Gazeta Si – Federata Shqiptare e Futbollit ka marrë një tjetër goditje nga Gjykata e Tiranës në lidhje me zgjedhjet e 2 marsit për presidentin e këtij institucioni dhe Komitetin Ekzekutiv.
Gjykatësi Sokol Tona ka rrëzuar pretendimet e FSHF-së për heqjen e masës së sekuestros të vendosur nga Prokuroria e Tiranës për materialet dhe serverat e Federatës. Prokuroria e Tiranës po heton për shkeljet e bëra gjatë procesit zgjedhor në Shoqatën Rajonale të Futbollit të Tiranës.
Pas vendimit të fundit të gjykatësit Tona, Prokuroria mund të vazhdojë punën e saj për këtë çështje. Pak ditë më parë, pas padive të disa Shoqatave Rajonale për parregullsi në zgjedhjet e tyre, Gjykata ka vendosur të bllokojë Asamblenë Zgjedhore të 2 marsit dhe Komitetin Ekzekutiv të FSHF-së deri në momentin që të shqyrtohen të gjitha ankesat për shkelje.
Gjasat më të mëdha jënë që zgjedhjet për presidentin e FSHF-së të shtyhen, edhe pse ky institucion vazhdon punën për zhvillimin e asamblesë në datën e caktuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
