Një gjykatë në Hagë vendosi të martën që ora policore e vendosur nga qeveria në Holandë për të ndaluar përhapjen e Covid-19 duhet të hiqet pasi shkel të drejtën e lirisë së lëvizjes.
“Ora policore duhet të hiqet menjëherë,” tha gjykata në një deklaratë, duke shtuar se qeveria abuzoi me kompetencat e saj të gjendjes së emergjencës. Ajo është një shkelje e gjerë e së drejtës për lirinë e lëvizjes dhe privatësisë dhe kufizon, ndër të tjera, të drejtën për lirinë e tubimit dhe demonstrimit,” tha gjykata në një deklaratë të postuar në mediat sociale.
Vendimi erdhi pas protestave kundër futjes së shtetrrethimit i cili është në fuqi nga ora 21:00 deri në 4:3o.
“Ne luftojmë për ruajtjen e një shteti kushtetues demokratik në të cilin fëmijët tanë ende kanë mundësinë të jetojnë një jetë me besimet dhe mendimet e tyre,” thotë grupi i protestuesve në faqen e tyre të internetit. Kjo është gjendja e parë e emergjencës që nga Lufta e Dytë Botërore dhe provokoi protesta masive.
Ligji i posaçëm në të cilin qeveria u mbështet për të vendosur ndalimin e lëvizjer ka për qëllim “rrethana shumë urgjente dhe të jashtëzakonshme”, tha gjykata të martën.
“Ky akt i ofron kabinetit opsionin e vendosjes së një shtetrrethimi në rrethana shumë urgjente dhe të jashtëzakonshme, pa pasur nevojë më parë të kalojë nëpër një proces legjislativ, duke përfshirë Senatin dhe Dhomën e Përfaqësuesve paraprakisht,” tha gjykata.
Por sipas gjykatës, “futja e shtetrrethimit nuk u mor në rrethana urgjente” duke abuzuar kështu me ligjin e emergjencës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
