.png)
Gazeta Si – Gjykata e Posaçme rrëzoi kërkesën e Suel Çelës për heqjen e masës së “arrestit në burg” të caktuar ndaj tij në maj të 2022 pas operacionit “Plumbi i Artë”.
Nga arratia, Suel Çela ankimoi masën e sigurisë “arrest në burg”. Çela u shpall në kërkim në atë kohë, pas dëshmisë së Nuredin Dumanit.
Ky i fundit tregoi se kishte marrë porosi nga Çela për të vrarë biznesmenin Lulzim Masha.
Nga ana tjetër, Çela u shpall në kërkim në operacionin e fundit ku kërkohet si kreu i një organizate kriminale që operon në qytetin e Elbasanit.
Referuar deklarimeve të të penduarit të drejtësisë, Nuredin Dumani, SPAK e akuzon Çelën si porositës të vrasjes së biznesmenit Lulëzim Masha dhe të Elton Kilës.
Javët e fundit, grupi i Suel Çelës u godit sërish nga SPAK, i cili thotë se ka zbuluar tentativën e vrasjes së Ardian Çapjes me snajper, si dhe disa ngjarje të tjera kriminale, mes tyre edhe tentativat për të trafikuar kokainë nga Amerika Latine.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
