Gjuetia ndaj shefave të Hamasit mes tuneleve dhe bombardimeve, Izraeli: Kemi vrarë thuajse 60 liderë

Gazeta Si – Ushtarët nga Brigada e Shtatë e Mekanizuar u angazhuan për të zmbrapsur një ekip antitank të Hamasit në Rripin e Gazës, si një një nga formacionet e vogla që kishte për detyrë të lëvizte midis shtëpive të braktisura.

Ushtria ka reaguar duke “synuar” objektivin, më pas ka kërkuar ndërhyrjen e forcave ajrore, e cila ka kryer një goditje të dyfishtë. Guerilët ishin përpjekur të arratiseshin duke përdorur një tunel të lidhur me një depo municioni.

Kurthe nëntokësore të Hamasit

Versioni përmbledhës i shoqëruar me video u publikua nga ushtria për të përshkruar një nga momentet e betejës në Gaza.

Histori, ku referenca për pozicione dhe tunele të fshehura është konstante: në një deklaratë për shtyp flitet për 130 “dalje” tunelesh.

Burimet zyrtare balancohen nga ato të burimeve më diskrete që flasin për mediat lokale duke ofruar dy aspekte: progresi ishte më i shpejtë se sa pritej, megjithatë askush nuk ka një ide të caktuar për madhësinë dhe karakteristikat e botës së nëndheshme të ndërtuar ndër vite nga rezistenca palestineze.

Ata e dinë se është mbresëlënëse, kanë frikë se është edhe më e sofistikuar dhe për t’i zbuluar, duhej të futeshin brenda, por për momentin preferojnë të shkatërrojnë hyrjen e bunkerëve.

Eksplorimi i tyre është i rrezikshëm, për shkak të bombave, zjarreve të mundshme dhe kurtheve rudimentare, por efektive.

Lista e liderëve të Hamasit të vrarë

Detajet rreth tuneleve me aftësi të kufizuara janë të përziera me komunikimet në internet për zyrtarët e Hamasit, Xhihadit dhe Fatahut të vrarë gjatë pushtimit.

Dje, zëdhënësit zgjeruan listën me gati 60 të vrarë, duke shkruar emrin e Mashan Abu Zina, i paraqitur si një nga menaxherët e sektorit kërkimor, pra seksionit që zhvillon armatimin në Rrip.

Në ditët menjëherë paraardhëse, ata kishin raportuar vdekjen e Mustafa Dalulit, kreut të një batalioni dhe Jamal Musa, “oficer sigurie”.

Jeruzalemi dëshiron të përcjellë mesazhin e sukseseve në terrene të vështira dhe aftësinë për të ulur radhët e kundërshtarit. Askush nuk përjashtohet, hakmarrja prek edhe familjarët dhe banesat, të cilat janë rrafshuar me tokën.

Izraeli kërkoi liderë politikë, komandantë dhe elementë individualë të akuzuar se kanë marrë pjesë ose kanë drejtuar masakrat e 7 tetorit.

Misioni iu besua Mbrojtjes, shërbimeve sekrete, veçanërisht njësisë speciale “Nili”: mekanizma, të cilat, duke pasur parasysh kushtet e betejës, duhet të lëvizin së bashku.

Me kalimin e javëve, ata morën përgjegjësinë për eliminimin e anëtarëve të këshillit ekzekutiv, si Jamila Al Shanti, e veja e Rantisit dhe Jawad al Shamalas.

Më pas, radhën e kishin ekspertët e zhytësve, të departamentit të trajnuar në përdorimin e deltaplanëve ose hedhësve të raketave.

Propaganda dhe “shënjestrat më të rëndësishme”

Megjithatë, fushata duhet të vlerësohet duke marrë parasysh katër aspekte. Së pari: nuk ka asnjë konfirmim të pavarur të “fundit” të të gjithë personazheve (vetëm disa). Së dyti: propaganda e Hamasit dhe Izraelit  është po aq e egër sa edhe përplasjet.

Së treti: objektivat më të rëndësishme janë ende aktive dhe, duket se janë të mbrojtura mirë: Mohammed Deif, numri një i Brigadave al Qassam, zëvendësi i tij Marwan Issa dhe udhëheqësi Yahya Sinwar, i cili me sa duket është i izoluar në një strehë në qytetin e Gazës. Histori e paverifikueshme, ndoshta pjesë e luftës psikologjike.

Së katërti: figura të shumta të hierarkisë jetojnë të shpërndarë midis Katarit, Libanit, Turqisë dhe Sirisë. Janë ata që flasin, që japin intervista shpesh kontradiktore, që diktojnë kushte (gjenerike).

A janë ata në rrezik? Në Izrael dikush u përgjigj po, edhe pse mbrohen nga pritësit e tyre dhe mund të përdoren për negociata konfidenciale, veçanërisht në lidhje me pengjet.

Një vrasje e synuar jashtë vendit mund të shkaktojë hakmarrje kundër figurave izraelite – ndoshta nga grupe xhihadiste që nuk janë të lidhura me Hamasin – dhe të ketë pasoja të rënda diplomatike.

Vendimi kalon përmes mekanizmave që nuk janë gjithmonë linearë. Ajo që është e vlefshme sot, mund të konsiderohet e vjetëruar nesër.

Varet nga mundësitë, nga dinamika e brendshme, nga dëshira për të bërë zgjedhje dramatike. Kriza, me një numër të frikshëm vdekjesh, ka treguar se si dyja palët nuk kanë frikë të kalojnë vijat e kuqe.

Përshtati: Gazeta “Si”