.png)
Gazeta Si – Bindjet e tenistit serb në lidhje me Covid-19 dhe vaksinën nuk ndryshojnë. Me rregullat aktuale, Novak Gjokoviç nuk mund të marrë pjesë në turneun e Nju Jorkut.
Pas Australian Open, Novak Gjokoviç rrezikon të humbasë edhe Us Open. Shkak është gjithmonë qëndrimi i tij ndaj vaksinës së Covid-19. Serbi nuk lëviz nga pozicioni i tij, edhe pse kostot sportive për të mund të jenë të mëdha.
Autoritetet në Shtetet e Bashkuara të Amerikës kanë mbajtur rregullin e vaksinës së detyrueshme për ata që duan të hyjnë në këtë vend. Dhe ky rregull nuk e lejon Gjokoviç të luajnë në turneun e fundit Slam të sezonit.
“Sot, duke pasur parasysh rrethanat, nuk më lejohet të hyj në Amerikë, – ka thënë Gjokoviç në Londër. – Më pëlqen të shkoj të luaj aty, por për momentin nuk është e mundur. Është një motiv më shumë për të bërë më mirë në Uimbëlldon”.
Numri 3 i renditjes botërore më pas ka shtuar se ai vetë nuk ka në plan të ndryshojë mendim: “Nuk ka ndonjë gjë që unë mund ta bëj në këtë rast. Varet nga qeveria amerikane, jo nga mua”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
