.png)
Gazeta Si – Novak Gjokoviç u kualifikua për në gjysmëfinale të Australian Open, duke mundur pastër Andrei Rublev, 6-2, 6-1 dhe 6-4. Ishte ndeshja perfekte për serbin, që tashmë do të përballet me Tomi Paul. Amerikani fitoi derbin me Ben Shelton, me rezultatin 7-6, 6-3, 5-7 dhe 6-4.
Gjokoviçit nuk iu deshën më shumë se 2 orë e 3 minuta lojë për të kaluar rusin Reblev. Ish-numri 1 nuk i la asnjë shans kundërshtarit. Dy setet e para ishin gati identikë, me rusin që nuk mundi të rezistonte.
9-0 in AO semis
— #AusOpen (@AustralianOpen) January 25, 2023
9-0 in AO finals
On RLA, Djokovic dominated Rublev to return to the final four stage and looks poised to add to his unprecedented legacy.#AusOpen • #AO2023
Në setin e tretë serbi mori shërbimin, duke hipotekuar kalimin e turit me me një 6-4. Gjokoviç synon suksesin e 26-të radhazi në Australian Open. Kundër Paul ai do të luajë për finalen e 10-të në Slam-in e Melburnit. Ëndrra për titullin e 22-të Major është më afër se kurrë.
Gjysmëfinalja tjetër e Australian Open është ajo mes grekut Tsitisipas dhe rusit Khaçanov.
Te femrat, polakja Magda Linete do të ndeshet në gjysmëfinale me Arina Sabalenkën, pasi eliminoi Karolina Pliskovën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
