.png)
Gazeta Si – Tenisti serb ka fituar 5-7, 7-6 dhe 7-6 një finale spektakolare, që zgjati gati 4 orë. Zhgënjimi në Uimbëlldon lihet pas me fitoren në finalen e Sinsinatit ndaj spanjollit.
Alkaraz dhe Gjokoviç u ritakuan pas finales së Uimbëlldonit në ATP Masters 1000 të Sinsinatit, ku triumfoi me përmbysje tenisti serb. Alkaraz fitoi setin e parë, por më pas ‘Nole’, pasi anuloi një ‘match point’, fitoi dy setet e tjera, duke bërë të vetin titullin. Ishte një finale epike, që reflektohet edhe në rezultat.
Novak Gjokoviç është sërish ‘mbret’ i Sinsinatit. Ai ka fituar ATP Masters 1000 numër 57 të karrierën e tij të pambarimtë, duke u ‘hakmarrë’ kështu edhe për humbjen në Uimbëlldon. Serbi e cilësoi finalen si “një nga më të fortat në jetën e tij”.
Në fillim Karlos e vuri në vështirësi Gjokoviçin. Ai e rriti nivelin e lojës me freskinë e tij, ndërsa ‘Nole’ tentoi të gjente kënde gati të pamundura. Ndeshja vazhdoi me inercinë e spanjollit, që shfrytëzoi problemet (edhe fizike) të Gjokoviçit. Shkoi në ‘tie break’, ku Alkaraz kishte mundësinë e mbylljes së ndeshjes, por kundërshtari rezistoi dhe fitoi setin e dytë.
Seti i tretë ishte i një niveli shumë të lartë nga dy protagonistët, me serbin që e vuri në vështirësi spanjollin dhe në fund fitoi trofeun.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
