.png)
Gazeta Si – Gjykata e Posaçme e Shkallës së Parë ka rrëzuar kërkesën e deputetes Monika Kryemadhi për heqjen e masës së sigurimit “detyrim paraqitje”.
“Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar, brënda 5 (pesë) ditëve, afat i cili fillon nga dita e njoftimit të vendimit të gjykatës”, thuhet në njoftimin zyrtar të GJKKO.
Më herët, avokati i saj kishte hequr dorë nga revokimi i masës dhe për këtë arsye edhe GJKKO rrëzoi kërkesën e deputetes.
Masa e sigurisë ndaj Kryemadhit u lëshua më 21 tetor 2024, ditën kur u arrestua ish-Presidenti i vendit Ilir Meta, i cili akuzohet për 3 vepra penale, “korrupsion”, “pastrim parash” dhe “mosdeklarim pasurie”. Për të njëjtat akuza është caktuar masa edhe ndaj ish-bashkëshortes së tij, Kryemadhi.
Edhe kërkesa e deputetes për lirimin nga sekuestro të një vile në Kodrën e Diellit u rrëzua më herët nga Gjykata e Lartë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
