.png)
Gazeta Si – Gjykata e Posaçme ka pranuar kërkesën e ish-drejtorit të ARRSH, Evis Berberi për gjykim të shkurtuar.
Ndërsa u veçuan për gjykim të zakonshëm të pandehurit e tjerë në dosjen e tij, Valter Begaj dhe shoqëritë Net Group dhe Dam sh.p.k.
Ndaj Berberit rëndojnë disa akuza për vepra penale si: korrupsion, pastrim produktesh dhe shkelje e barazisë në tendera. Ndërsa Valter Begaj, akuzohet për korrupsion aktiv, mashtrim me pasoja dhe pastrim parash.
Berberi u arrestua në mars të 2024-ës pasi dyshohej se i jepte tendera kompanisë së tij duke bashkëpunuar me dy ortakët e tij, Valter Begaj dhe Ervis Lami.
SPAK ka hetuar mbi 8 procedura tenderimi dhe në 6 prej tyre ka rezultuar se Berberi, është korruptuar nga 3 biznesmenët, Valter Begaj, Brunilda Buli e Ervis Lami, të bashkëpandehur me të, në vlerën e mbi 77 milionë lekëve.
Këto para, janë marr nga ish-zyrtari nëpërmjet kompanisë DAAM shpk, pronësinë e të cilës ia kishte kaluar fiktivisht 3 biznesmenëve në 2019.
Përmes hetimeve dhe të dhënave të përftuara nga kompjuterat dhe telefonat e të pandehurve, SPAK thotë se ka dokumentuar që Berberi kishte lidhje dhe kontrollonte këtë kompani duke përdorur financat e saj.
Ndërkohë, hetimet për 8 tenderat, kanë nxjerr edhe përfshirjen e zyrtarëve të tjerë në shkeljen e barazisë së kompanive në procedurat e prokurimit, duke favorizuar dia kompani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje