.png)
Gjykata Kushtetuese ka shpallur mbarimin e mandatit të anëtares Sonila Bejtja.
Pas konstatimit të Kushtetueses, vendimi i përcillet Presidentit Bajram Begaj, i cili pritet të hapë garën për plotësimin e vakancës në këtë gjykatë.
E vënë në lëvizje nga një kërkesë e presidentit Bajram Begaj për rastin e mandatit të anëtares Sonila Bejtja, me shumicë votash, gjykata vendosi më 16 tetor t’i japë përparësi parimit të ripërtëritjes së trupës së saj, çdo tre vjet me nga 3 anëtarë.
Për këtë arsye, Kushtetuesja vendosi që “fillimi i mandatit të gjyqtarit të Gjykatës Kushtetuese përgjatë këtij regjimi tranzitor përkon me datën e deklaruar nga Gjykata Kushtetuese të mbarimit të mandatit të gjyqtarit që ai zëvendëson”.
Kështu, gjykata interpretoi se konkretisht 3 gjyqtarët që zëvendësohen në vitin 2025 janë: Holta Zaçaj, Elsa Toska dhe Sonila Bejtja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
