Gjermania arreston 4 liderë të ekstremit të djathtë, ‘Qytetarët e Rajhut’: Krijuan një kundër-shtet

Gazeta Si – “Anëtarët e këtij grupi kanë krijuar efektivisht një ‘kundërshtet’ në vendin tonë dhe kanë organizuar struktura ekonomike kriminale. Dhe ata e mbështesin pretendimin e tyre për pushtet me teori konspirative antisemite. Ne nuk mund ta tolerojmë këtë”.

Këto janë premisat që çuan, këtë mëngjes, në një seri operacionesh policore, ku përfshiheshin qindra oficerë, në disa shtete gjermane.

Objektivi: grupi më i madh i Reichsbürger, një rrjet ekstremistësh të krahut të djathtë – të cilët u janë nënshtruar gjyqeve dhe kontrolleve në të kaluarën – të cilët nuk e njohin Republikën Federale të Gjermanisë, por pretendojnë se janë shtetas të “Mbretërisë së Gjermanisë”, e shpallur që nga viti 2012 nga një prej katër liderëve të arrestuar këtë mëngjes.

E gjitha kjo në emër të katër “dogmave”: Perandoria Gjermane nuk u shpërbë kurrë; “Qytetarët e Rajhut” në pjesën më të madhe e “kundërshtojnë” Republikën Federale duke mos paguar taksa dhe duke mos respektuar ligjet, ndërsa një segment i vogël (rreth një mijë persona) konsiderohet si “rrezik për demokracinë”.

Kështu i përshkroi ministri i Brendshëm, Alexander Dobrindt këtë mëngjes, duke theksuar rëndësinë e “marrjes së masave të vendosura kundër atyre që sulmojnë rendin tonë demokratik”.

Për këtë arsye, lëvizja – e cila thuhet se përfshin rreth 6,000 qytetarë gjermanë – është shpallur e paligjshme: platformat e tyre online do të bllokohen, asetet e tyre do të konfiskohen për të siguruar që nuk do të ketë më burime financiare për të financuar aktivitetet e tyre.

Tashmë në vitin 2016, shërbimi i sigurisë së brendshme të Gjermanisë kishte vënë nën vëzhgim Reichsbürger, menjëherë pasi një nga anëtarët e tij vrau një oficer policie gjatë një kontrolli në shtëpinë e tij.

Në dhjetor 2022, operacioni më i madh policor në historinë gjermane çoi në arrestimin e 25 personave, përfshirë dy drejtuesit e dyshuar të organizatës: një aristokrat i moshuar, i njohur tashmë nga hetuesit dhe i klasifikuar si i rrezikshëm për pozicionet e tij ekstremiste, i identifikuar si Heinrich XIII.

Princi Reuß, 71 vjeç, i cili sipas hetuesve ishte i destinuar të drejtonte qeverinë subversive dhe një ish-komandant parashutistësh përgjegjës për logjistikën dhe mbledhjen e armëve, të cilat tashmë ishin grumbulluar me bollëk në depo të ndryshme të shpërndara në të gjithë Gjermaninë.

Depozita (por kishte edhe dokumente) që tregonin se si Reichsbürger po përgatitej të sulmonte Bundestagun, të rrëmbente kancelarin e atëhershëm Olaf Scholz dhe të impononte me dhunë një shtet të ri.

Që atëherë, janë hapur tre gjyqe: një në Shtutgart, ku akuzohen komandantët e “krahut ushtarak”; një në Frankfurt, ku liderët e grupit, përfshirë aristokratin renez Heinrich XIII Prinz Reuß, përfunduan në gjyq; dhe një në Mynih, i cili, gjithsesi përfshin anëtarë të “krahut ezoterik”.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.