.png)
Pas mbylljes së ndeshjeve të Grupeve E dhe F, janë përcaktuar edhe 8 çiftet e fazës së 1/8-ve të Euro 2020, ku nuk mungojnë përplasjet e titanëve. Veçohen sfidat Gjermani-Angli dhe Belgjikë-Portugali.
Italia, Belgjika, Holanda, Anglia, Suedia dhe Franca janë kualifikuar si vendet e para të grupeve respektive. Uellsi, Danimarka, Austria, Kroacia, Spanja dhe Gjermania e kanë kaluar turin si vende të dyta, kurse katër vendet e treta më të mira janë Zvicra, Çekia, Ukraina dhe Portugalia. Ndeshjet e 1/8-ve fillojnë të shtunën e 26 qershorit dhe mbyllen të martën e 29 qershorit.
Në rrugën e Italisë, që ndeshet me Austrinë në turin tjetër, në çerekfinale do të ishte fituesja e çiftit Belgjikë-Portugali. Franca, që përballet fillimisht me Zvicrën, më tej do të ndeshej me fituesin e çiftit Spanjë-Kroaci. Disi më e lehtë pjesa tjetër e tabelës, ku favoritë janë Holanda, Anglia dhe Gjermania.
Tabela e 1/8-ave
Belgjikë-Portugali (27 qershor, ora 21:00, Sevilje)
Itali-Austri (26 qershor, ora 21:00, Londër)
Francë-Zvicër (28 qershor, ora 21:00, Bukuresht)
Kroaci-Spanjë (28 qershor, ora 18:00, Kopenaghen)
Suedi-Ukrainë (29 qershor, ora 21:00, Gllasgou)
Angli-Gjermani (29 qershor, ora 18:00, Londër)
Holandë-Çeki (27 qershor, ora 18:00, Budapest)
Uells-Danimarkë (26 qershor, ora 18:00, Amsterdam)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
