Gazeta Si – Gjergj Laçi ka mohuar akuzat se për 6 vjet ka ngujuar dhe keqtrajtuar bashkëshorten dhe dy fëmijët e tij.
Megjitatë, këtë të martë, Gjykata e Tiranës ka caktuar masën e sigurisë “arrest me burg” për 52-vjeçarin nga Dibra.
Në seancë ai ka pretenduar se nuk ka ushtruar dhunë ndaj dy djemve dhe gruas dhe se nuk i ka penguar që të dalin jashtë.
LEXO EDHE:
– Babai i 52-vjeçarit që ngujoi familjen mohon akuzat: Nuk është për burg, por për spital
– Mbajti ngujuar familjen, një tragjedi që lindi nga problemet e shëndetit mendor. Asnjë nuk vuri re mungesën e gruas dhe fëmijëve për 6 vjet
Për arsyen pse nuk i dërgon dy të miturit në shkollë, deklaroi se nuk kanë asnjë nevojë.
Duke këmbëngulur se është i pafajshëm, Laçi shtoi se për fishekët dhe thikat që iu gjetën në shtëpi ka deklaruar se i mbante për punë.
Nga ana tjetër avokati i Laçit ka kërkuar që 52-vjeçarit t’i bëhet ekspertize mjeko ligjore për shëndetin mendor.
Ndryshe nga çfarë pretendon 52-vjeçari, njëri prej fëmijëve ka rrëfyer para hetuesve se babai i kërcënonte që të mos bënin asnjë hap jashtë derës së shtëpisë ndërsa i mbushte mendjen se kishte njerëz që donin t’i vrisnin.
Gjendja psikologjike e fëmijëve është e rënduar, teksa aktualisht mbahen në qendër rehabilitimi sëbashku me nënën e tyre.
Një ditë më parë, familjarët e tij hodhën poshtë akuzat për Laçin, duke deklaruar se kishte nevojë për medikamente mjekësore.
I dënuar më parë për armëmbajtje pa leje, autori mbante të mbyllur prej 6 vitesh duke i dhunuar sistematikisht dhe kërcënuar me armë të ftohta, bashkëshorten dhe dy fëmijët e mitur, të cilët nuk i lejonte të frekuentonin shkollën, për shkak të bindjeve të tij radikale.
Pas operacionit të zhvilluar, në banesë janë gjetur dy thika, shkopinj druri dhe 700 fishekë të cilët i kishte groposur në oborrin e shtëpisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
