.png)
Gazeta Si – Një sasi tritoli është gjetur mbrëmjen e të martës në zonën e Velierës në Durrës, pranë pallatit ku ka apartamentin edhe ish-kryebashkiaku socialist i qytetit, Vangjush Dako.
Policia njofton se lënda plasëse është gjetur rreth orës 22:30 të mbrëmjes dhe në vendin ku u gjet, tritoli ishte i lidhur me një celular.
Forcat RENEA kryen shpërthim të kontrolluar të lëndës plasëse për të eleminuar rreziqet që të shpërthente më vonë, pasi zona është mjaft e populluar.
Kanë qenë kalimtarët ata të cilët kanë njoftuar policinë pasi kanë parë tritolin e vendosur në zonën mjaft të populluar.
Autori ende nuk është zbuluar, ndërsa grupi hetimor ka sekuestruar pamjet filmike të kamerave të sigurisë.
Ngjarja vjen rreth 24 orë pas atentatit që tronditi lagjen nr.18 të qytetit ku u ekzekutua me breshëri kallashnikovi, 29 vjeçari Ermir Dedja, i njohur si anëtar i grupit kriminal të Avdylajve në Shijak.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
