.png)
Gazeta Si- Një 43-vjeçar, i cili vuante dënimin në burgun e Rrogozhinës për drogë, ka humbur jetën mëngjesin e kësaj të hëne në spitalin e Rrogozhinës.
Sipas një njoftimi për mediat, i dënuari Erlad Helshani, i lindur më 23 shkurt 1981 dhe banues në Kavajë, u gjet pa ndjenja nga bashkëvuajtësit e tij, ndërsa po lahej në dush.
Pavarësisht ndërhyrjes së menjëhershme të mjekut të institucionit të burgut të Rrogozhinës, i cili e shoqëroi drejt spitalit, Helshani ndërroi jetë në orën 09:15 në Spitalin e Rrogozhinës.
Helshani trajtohej për hipertension dhe nivele të larta të yndyrave në gjak gjatë qëndrimit në IEVP Rrogozhinë. Ai ishte i dënuar me 4 vite e 8 muaj heqje lirie për prodhim të lëndëve narkotike.
Ngjarja po hetohet dhe janë ndjekur të gjitha procedurat e nevojshme. Drejtoria e Përgjithshme e
Burgjeve njoftoi Shërbimin e Kontrollit të Brendshëm në Burgje, Komisariatin e Policisë Rrogozhinë, Prokurorinë dhe familjarët e të ndjerit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
