Një turist shqiptar me banim në Belgjikë ka rrezikuar jetën teksa ka tentuar të ngjitet në dhomën e hotelit ku qëndronte përmes murit rrethues të tij.
Ngjarja ka ndodhur në Elbasan, rreth orës 01:30 të kësaj të diele, ku shtetasi V.K., 49 vjeç, pasi ka gjetur portën e jashtme të hotelit ku rrinte të mbyllur, është ngjitur nga muri i jashtëm i tij dhe më pas është rrëzuar aksidentalisht.
Policia thotë se 49-vjeçari ndodhet në Spitalin Rajonal Elbasan, jashtë rrezikut për jetën. Ndërkohë, grupi hetimor vijon punën për dokumentimin e plotë të rrethanave të ngjarjes.
Pak ditë më parë në Tiranë, një i ri shqiptar nga Maqedonia e Veriut, por me banim në Zvicër, gjeti vdekjen, pasi u rrëzua nga ballkoni i Hotel Rognerit ku po qëndronte.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
