Gjatë marsit 2022, mallrat e transportuara nga Shqipëria apo drejt saj u ulën me 4% nga marsi 2021, në 355.9 mijë ton në total.
Edhe në të gjithë tremujorin e parë 2022, sasia e mallrave të transportuara po ashtu ra, me 7.4%, nga tremujori i parë 2021.
Në vetvete, mallrat e eksportuara dhe të importuara kanë pësuar rritje gjatë marsit, pas disa uljeve në fund të 2021-shit. Rënia mund të lidhet me faktin se marsin e vitit të shkuar, ato u rritën me rreth 95%, duke krijuar raportin e zhdrejtë me marsin e vitit momental.
Rruga detare vazhdon të jetë alternativa më e përdorur për transportin e tyre.
Ndërkohë, sipas Instat, transporti i pasagjerëve ka pësuar gjithashtu rritje. Fluturimet janë dyfishuar nga marsi i vitit të shkuar. Gjithsesi, lëvizjet nga deti kanë mbetur më të preferuarat, me 48% rritje. Kjo është konfirmuar edhe nga Eurocontrol, që e përcaktoi Shqipërinë ndër pak shtetet që fluturimet nuk kanë ndaluar.
Rritje ka pësuar dhe transporti hekurudhor i pasagjerëve, ku nga 490 gjatë marsit 2021, këtë vit kanë udhëtuar 2.442.
Në tremujorin e parë të vitit 2022, vlera e mallrave të tregtuara (eksport dhe import) është 327.4 mld lekë ku 51.4 % e tyre u transportua me det.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
