Gazeta Si – Ky kampionat ka nisur keq për trajnerët e skuadrave të Superiores. Jemi ende në javën e 4-t dhe kemi dy largime zyrtare trajnerësh. Pas Arapit te Teuta, ishte radha e Skënder Gegës te Kukësi.
Gega dha dorëheqjen pas rezultateve të dobëta të Kukësit, që ka marrë vetëm 2 pikë nga 12 të mundshme. Klubi e ka pranuar dorëheqjen e tij dhe tashmë është duke punuar për zëvendësuesin.
‘Kukësi njofton ndërprerjen e bashkëpunimit me trajnerin Skënder Gega. Pas rezultateve të ndeshjeve të para, trajneri Gega ka paraqitur dorëheqjen në klub dhe pavarësisht besimit që i është dhënë, nuk ka bërë kthim pas”, – shkruhet në njoftimin zyrtar të klubi kuksian.
Trajneri Gega, pas dorëheqjes, u shpreh: “Falënderoj klubin dhe Presidentin e nderit Safet Gjici për mbështetjen dhe besimin. Falënderoj gjithë bashkëpuntorët, por besoj se kjo është më e mira në këtë situatë”.
Për momentin, Igli Allmuça, ish-lojtar i Kukësit, duket më pranë stolit të këtij ekipi. Ka edhe trajnerë të tjerë të Superiores që janë të rrezikuar për t’u larguar, pasi rezultatet e deritanishme janë zhgënjyese.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
