Në prag të nisjes së Botërorit të ri të Formulës 1, nuk mungojnë thumbat mes pilotëve dhe skuderive. Piloti francez i Alpha Taurit, Pierr Gasli, ka shigjetuar së fundi Ljuis Hemiltonin, edhe pse e konsideron si më të mirin 7 herë kampionin e botës.
“Për fat të keq në sportin tonë, pjesa e mekanikëve është përgjegjëse jo pak në rezultatin final. Edhe pse është piloti më i mirë i Formulës 1, në timonin e një makine Uilliams apo një makine Has, Ljuis Hemilton nuk do të dilte as i treti dhe as i pesti: do ta përfundonte garën në vend të 17-të apo të 18-të”.
Këto janë fjalët e Pierr Gaslit gjatë transmetimit të “Mashup”. Interesant është fakti që piloti i Alpha Taurit, – një ekip satelit i Red Bull-it, – ka marrë si pikë referimi pilotin e Mercedesit rival dhe jo Maks Vershtapenin, me të cilin mund të ketë ndonjë qejfmbetje të vjetër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
