Anëtarët e një bande shqiptare famëkeqe të kontrabandës së kokainës në Londër kanë zemëruar mediat në masë të Britanisë së Madhe duke treguar pasurinë e tyre të vënë në mënyrë të paligjshme, në rrjete.
Gazeta “Daily Mail” ka akuzuar të hënën grupin "Hellbanieanz" për stilin e jetesës së tyre, duke postuar fotografi me makina luksoze, duke pirë duhan dhe duke treguar veshjet e firmave të ndryshme.
Në fotografi tregohen anëtarë të bandës që mbajnë varse të mbuluara me gur, të cilat mbajnë inicialet e emrit të grupit. Të tjera tregojnë anëtarët e bandës në veshjet e stilistëve duke adoptuar stilin “reper” dhe duke i treguar gishtin e mesëm shikuesve. Shumë fotografi shoqërohen me frazat ngacmuese, në të cilat gangsterët thonë se, nuk dinë se si të shpenzojnë të gjitha paratë që fitojnë nga droga ilegale.
Gangsterët u bënë pjesë të mediave pas arrestimit të një anëtari të bandës në vitin 2016. Tristen Asllani është ende pjese e titujve të gazetave pasi gjatë gjithë kohës tregon fotografi nga burgu, duke qeshur dhe duke shkruar " e vetmja gjë që më mungon në burgjet e Mbretërisë së Bashkuar janë fermat”.
Asllani u burgos me 25 vjet burgim pasi policia e Londrës gjeti në makinën e tij miliona paundë, kokainë dhe armë.
Sipas shifrave të Ministrisë së Drejtësisë të Mbretërisë së Bashkuar, 726 shqiptarë ishin në burgjet britanike vitin e kaluar, nga një popullsi totale prej 85.000 të burgosurish.
Kjo është më pak se një për qind e popullatës totale të burgjeve në Mbretërinë e Bashkuar. Nga këta 726 të burgosur, 321 persona janë të akuzuar për shpërndarje droge.
Në statistika thuhet se, rreth 4,000 të burgosur në Mbretërinë e Bashkuar në dhjetor të vitit 2017 ishin nga vendet e BE-së. Numri më i madh ishin nga Polonia (821) e ndjekur nga Irlanda, Rumania dhe Lituania. Megjithatë, shkalla e ofendimit polak është e ulët, duke marrë parasysh madhësinë e komunitetit në Britani të Madhe, duke numëruar mbi një milion./Ballkan Insight/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
