Diçka e pabesueshme ka ndodhur me një nga klubet më të mëdha turke të futbollit. Drejtuesit e Fenerbahçes kanë pranuar se kanë gabuar në pagesën bankare të 830.929,50 eurove, kësti i marrëveshjes për blerjen nga Empoli të Miha Zajc në janar të 2019-ës. Kjo shumë nuk i ka kaluar klubit italin, por një konçesionari makinash.
Kompania e shitjes së makinave nuk deshi ta kthente shumën dhe kështu klubi turk ndoqi rrugët ligjore. Pasi e fitoi gjyqin, Fenerbahçe bëri të ditur zyrtarisht gjithçka që kishte ndodhur në këtë rast.
Kësti i 830.929,50 eurove është paguar më 30 shtator të 2020-ës dhe gabimisht shuma shkoi në kasat e “Doetinchem”, konçesioniarit të makinave në Holandë. Më 9 tetor 2020 klubi i Empolit u ankua për faktin se nuk kishte marrë pagesën e parashikuar dhe më pas te Fenerbahçe bënë verifikimet dhe zbuluan gabimin në plotësimin e dokumenteve bankare.
Por telashet nuk përfunduan aty, sepse nga konçesionari refuzohej kthimi i 800.000 eurove, duke e detyruar Fenerbahçen ta hidhte në gjyq. Më 4 gusht gjykata u dha të drejtë turqve, që me një komunikatë zyrtare kanë shpjeguar gjithçka. Një fund i lumtur për të gjithë, sidomos për Empolin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
