Gazeta Si – Kombëtarja shqiptare në futboll për femra ka mësuar sot emrat e tri skuadrave kundërshtare në Ligën e Kombeve 2023-2024. Shorti i ka vendosur vajzat kuqezi në Grupin B1, bashkë me Irlandën, Irlandën e Veriut dhe Hungarinë.
Skuadra e drejtuar nga trajneri Armir Grima synon ta rritë sa më shumë nivelin e saj. Ndeshjet e para do të luhen në muajin shtator, kurse ato përmbyllëse në dhjetor. Kalendari është përcaktuar me sistemin vajtje-ardhje, që do të thotë se vajzat kuqezi kanë 6 ndeshje në total.
Skema e UEFA-s parashikon që 4 skuadra kryesuese në grupet e tyre në Ligën B do të ngjiten në Ligën A. Katër skuadrat e dyta të Ligës B ndeshen me katër skuadra të renditura në vendet e treta në Ligën A.
Tre ekipet e renditura në vendet e treta në Ligën B luajnë kundër tre ekipeve të renditura më mirë në grupin C, ndërsa vendi i tretë më i dobët në Ligën B dhe katër vendet e fundit të secilit grup zbresin automatikisht në Ligën C.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
