Gazeta Si - Një pjesë e mirë ë qytetit të Vlorës është mbuluar nga shtëllunga të mëdha tymi mëngjesin e kësaj të marte.
Gomave të mbledhura në qytet nga serviset dhe gomisteritë u është vënë flaka gjatë orëve të mëngjesit në fushën e mbetjeve.
Rreth fushës së mbetjeve janë 3 lagje “1 maj”, “24 maj” dhe “Kushtrimi” dhe banorët e tyre janë të parët që vuajnë pasojat e këtij tymi kancerogjen.
Është dashur ndërhyrja e më shumë se një zjarrfikëseje për të shuar flakët.
Tymi ka pushtuar një sipërfaqe të madhe, ndërkohë që zjarrfikësit ndodhen në vendin e ngjarjes në përpjekje për të shuar flakët.
Në vijim të veprimeve, shërbimet e Policisë kanë shoqëruar 4 persona, për t’i pyetur në lidhje me këtë ngjarje.
Grupi hetimor ndodhet në vendngjarje dhe po kryen veprimet për zbardhjen e plotë të rrethanave të ngjarjes
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.