.png)
Gazeta Si- Një automjet furgon i Drehtorisë së Burgjeve me personelin e IEVP së Pojskës së Pogradecit është akidentuar me një kamion mëngjesin e kësaj të enjteje.
Ngjarja ka ndodhur në vendin e quajtur “rezervuari Përrenjas” përgjatë aksit të rrugës kombëtare Librazhd-Qafë Thanë.
Mjeti i drejtorisë së Burgjeve me targë AB968MC është përplasur me një kamion nga Mali i Zi, me targë DG AZ 827 dhe rimorkio DG228 AA me drejtues Nenad Pejoviç.
Drejtuesi i furgonit ka marrë disa lëndime dhe është transportuar me urgjencë për në spital, ku ndodhet jashtë rreziku për jetën.
Mësohet se kamioni, për të shmangur përplasjen ka devijuar drejtim dhe ka dalë jashtë rruge.
“Në aksin rrugor “Librazhd-Qaf Thanë”, automjeti i IEVP-së (në të cilin udhëtonte personeli), me drejtues shtetasin A. S., 57 vjeç, është përplasur me kamionin me drejtues shtetasin malazez N. P., 33 vjeç. Si pasojë, është dëmtuar shtetasi A. S., i cili është në kujdesin e mjekëve, jashtë rrezikut për jetën”, – njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
