Dy pushues të moshuar janë mbytur paraditen e së dielës në plazhin e Spillesë në Kavajë.
Ngjarja ka ndodhur rreth orës 11:25, ndërsa viktimat janë dy të moshuar, nga Maqedonia e Veriut, të identifikuar nga policia si shtetasit, M.M., 79 vjeç dhe C.M., 78 vjeç. Dyshohet se pushuesit janë mbytur si pasojë e dallgëve të forta në det këtë të diel.
Viktimat nuk mundën të dilnin në breg dhe u nxorrën me ndihmën e pushuesve të tjerë, por fatkeqësisht nuk kanë mundur të mbijetojnë.
Ndërkohë, në Velipojë është shënuar një tjetër viktimë nga mbytja në det këtë të shtunë. Policia informon se një 59-vjeçar nga Kosova, me iniciale H.H., është mbytur rreth orës 11:15. Nuk dihet nëse plazhi i Spillesë dhe i Velipojë kanë vrojtues plazhi, por në fakt deti ka qenë shumë i trazuar për shkak të dallgëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
