Gazeta Si – Pasi ka përcaktuar datat e ndeshjeve për Superioren dhe Kategorinë e Parë deri në fund të këtij viti kalendarik, Komisioni i Garave në FSHF ka përcaktuar edhe datat e ndeshjeve të Kupës së Shqipërisë, të vlefshme për turin e 1/16-ve.
Të gjitha ndeshjet e këtij turi do të zhvillohen më 6 dhjetor, në orën 13:00. Kjo fazë është me eliminim direkt dhe ekipet që fitojnë kalojnë në fazën tjetër të Kupës.
Është vendosur edhe data kur do të luhet Superkupa e Shqipërisë, që tashmë është bërë traditë të luhet në dimër. Partizani kampion në fuqi do të ndeshet me Egnatian fitues të Kupës së Shqipërisë më 20 dhjetor, në stadiumin ‘Air Albania’, ora 19:00.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
