Gazeta Si – FSHF vazhdon të bëjë ‘show’ me vendimet e komisioneve të saj. Në mbledhjen e tij të fundit të datës 9 shtator, Komisioni i Apelit ka vendosur të falë tre klube të Kategorisë së Dytë, të dënuar më parë për trukim rezultatesh.
Ky komision ka shfuqizuar vendimet e mëparshme të Disiplinës dhe Etikës, që kishte dënuar me 5 vjet përjashtim nga aktiviteti klubet e Gramshit, Bulqizës dhe Internacionalit.
Është normale që të ketë një rishikim të vendimeve dhe në raste të caktuara zbutje apo reduktim të vendimeve. Por, që të kalosh nga një dënim 5-vjeçar te falja, është absurde dhe ndoshta vetëm në Shqipëri ndodh.
Vendimet e Apelit
Pranimin e ankimit të Klubit të Futbollit F.C Bulqiza. Shfuqizimin e Vendimit të Komisionit të Disiplinës dhe Etikës nr.34, datë 03.05.2022, pika 1.
Pranimin e ankimit të Klubit të Futbollit KF Gramshi. Shfuqizimin e Vendimit të Komisionit të Disiplinës dhe Etikës nr.34, datë 03.05.2022, pika 2
Pranimin e ankimit të F.0 Internacional Tirana. Shfuqizimin e Vendimit të Komisionit të Disiplinës dhe Etikës nr.34, datë 03.05.2022, pika 3.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
