.png)
Në fillim të shpërthimit të pandemisë së koronavirusit, mjekët bënë të qarta 3 simptomat tipike: temperaturë e lartë, kollë dhe vështirësi në frymëmarrje.
Por këto tre simptoma nuk janë të vetmet që shkakton Covid-19, pasi gjatë këtyre muajve mjekët kanë parë edhe simptoma të tjera, si humbja e nuhatjes dhe shijes.
Kohët e fundit mjekët kanë filluar të dyshojnë se shenja e radhës mund të jenë edhe fryrja e gishtave të këmbëve, kryesisht te fëmijët dhe të rinjtë.
Ata shprehen se skuqjet dhe fryrja e gishtave të këmbës mund të ndodhin më së shumti te pacientët asimptomatikë.
“Ne mendojmë se ndoshta ajo çfarë po ndodh është se fryrja vjen si pasojë e grumbullimit të gjakut në kapilarë duke krijuar skuqjen. Teoria tjetër është se ndoshta ka mpiksje të vogla gjaku të cilat janë të lidhura me këtë virus”, shprehet Brian Whitfield, ekspert i Universitetit te Kolumbias.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
