.png)
Nga Gazeta ‘SI’ - Fredi Beleri është zyrtarizuar si kandidat për eurodeputet nga qeveria e Mistotakis.
Gjatë mbledhjes së sotme, konservatorët e qeverisë greke dhanë emrin e Belerit si kandidat në zgjedhjet europiane ndonëse ndodhet në paraburgim në Shqipëri. Kryebashkiaku i zgjedhur i Himarës do të përfaqësohet nga vëllai i tij, Leonardos Beleri.
Kundër kandidaturës së Belerit janë shprehur vazhdimisht, sipas burimeve, ministri i Jashtëm Georgios Gerapetritis dhe këshilltarja për politikën e Jashtme pranë kryeministrit grek, Aleksandra Papadhopoulou. Ata kanë thënë se vendosja e Belerit në listën blu për eurodeputetët, do ta kthente këtë çështje nga europiane në dypalëshe me Shqipërinë
Ish-peshëngritësi Pirro Dhima, është një ndër kandidatët e tjerë në listën e partisë “Demokracia e Re” për eurodeputetë të Greqisë në Parlamentin Europian.
Pirro Dhima gjatë prezantimit të tij i ka premtuar kryeministrit grek se do të luftojë për të drejtat e atyre që ai i quan “vorioepiriotë”.
Ai iu drejtua edhe Petro Belerit, djalit të Fredi Belerit duke i thënë se do të ketë drejtësi për djalin e tij i cili u dënua me 2 vite burg nga GJKKO për blerjen e 8 votave në prag të zgjedhjeve lokale në Himarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
