.png)
Nëse i gjuani më shuplakë fëmijës tuja në Francë, mund të përfundoni pas hekurave. Kjo pasi deputetët e parlamentit francez kanë votuar me shumicë dërrmuese në favor të një projektligji që do t’i ndalojë prindërve prekin në mënyrë të dhunshme fëmijët e tyre.
Projektligji mbi “ndëshkimin fizik apo poshtërimin” ka për qëllim të sigurohet që autoriteti prindëror të ushtrohet pa dhunë. Deputetët që votuan pro thonë se rreth 85% e prindërve francezë përdorin dënimin fizik për të disiplinuar fëmijët e tyre.
Përpjekjet e mëparshme për të miratuar ligjit për “shuplakat” kanë dështuar, edhe pse kjo praktikë është ndaluar prej kohësh në shkollat franceze.
Ligjbërësit francezë mbështetën projekt-ligjin në një votim prej 51 votash pro dhe një votë kundër, mëngjesin e të premtes. Sipas tij, prindërit do të mbahen fillimisht në paraburgim.
Deputeti Maud Petit tha se qëllimi kryesor i projektligjit ishte edukimi dhe inkurajimi i shoqërisë francezze për të ndryshuar pikëpamjet e saj mbi këtë çështje.
Ashtu si vendet e tjera europiane, edhe Franca dënon dhunën kundër fëmijëve, por u jep gjithashtu prindërve të drejtën për të disiplinuar fëmijët e tyre. Deri më tani gjuajta me shuplakë ishte e lejuar, por ajo ka nxitur shpesh polemika në mesin e mediave franceze.
Javën e kaluar, katër anëtarë të së njëjtës familje u arrestuan pasi një djalë nëntë vjeç u rrah me vdekje në qytetin e Mulhouse.
Burime policore bënë të ditur se djali kishte refuzuar të bënte detyrat e shtëpisë dhe se ishte goditur me sende të forta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
