.png)
Gazeta Si – Pesë dronë fluturuan mbi bazën franceze të nëndetëseve në Ile Longue, në portin e Brestit në perëndim të largët të Francës, të enjten në mbrëmje.
Kjo bazë strehon nëndetëse franceze me raketa bërthamore, duke shërbyer si një pengesë për armët bërthamore, sipas xhandarmërisë lokale.
Batalioni i artilerisë detare që mbron vendin “kreu disa të shtëna me zjarr kundër dronëve”, thuhet sipas të njëjtit burim.
Por 5 dronët që fluturuan mbi bazë, u rrëzuan më vonë nga artileria francezë. Ato ishin modele të vogla, “të paarmatosura”, “jashtë një konteksti ushtarak”, sipas Prefektit Detar të Atlantikut, Kapitenit të Fregatës Guillaume Le Rasle, i cituar nga gazeta “Libération”.
Në një intervistë tjetër me BFMTV, një nga rrjetet kryesore të lajmeve të vendit, “infrastruktura e ndjeshme e bazës nuk u kërcënua”. Ai pohoi se ata që ishin përgjegjës për fluturimet “kishin qëllimin të frikësonin popullsinë”.
Ministrja e Forcave të Armatosura Franceze, Catherine Vautrin, ka njoftuar hapjen e një hetimi për rastin. Batalioni i artilerisë detare që mbron vendin “kryeu disa të shtëna kundër dronëve”, raportoi një burim lokal i xhandarmërisë. Sipas kabinetit të saj, Vautrin tha se një “hetim është duke u zhvilluar” për të hetuar plotësisht çështjen.
Baza franceze mbrohet nga 120 marinsa detarë në koordinim me një batalion pushkësh. Katër nëndetëse mbahen në vend, të paktën njëra prej të cilave është përgjithmonë në det për të siguruar pengesë bërthamore.
Sipas mediave franceze, pesë dronët u zbuluan me mjete teknike. Dronët nuk janë të pazakontë në këtë zonë të kufizuar; një tjetër i tillë u raportua natën e 17-18 nëntorit “mbi Gadishullin Crozon”, i cili përfshin Ile Longue.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
