Gazeta Si – Zidan duhet të presë. Didier Deshamp ka rinovuar zyrtarisht kontratën me Francën deri në vitin 2026. Federata Franceze e Futbollit ka njoftuar vazhdimin e bashëkupunimit me trajnerin aktual.
Me Deshamp në krye, ‘gjelat’ fituan Botërorin e 2018-ës në Rusi dhe u shpallën nënkampione botë në Katar 2022, pas humbjes me penallti në finale ndaj Argjentinës.
Deshamp e ka marrë drejtimin e Francës në vitin 2012. Kontrata e tij përfundoi me Botërorin e Katarit, por menjëherë pas tij drejtuesit e Federatës franceze bënë të ditur se kishin arritur një akord për rinovimin. Tani gjithçka merr formë zyrtare, Deshamp do të jetë në drejtimin e Francës deri në Botërorin e radhës.
Muajt e fundit ishte folur shumë për Zinedin Zidan si pasues të Deshamp, por ecuria e mirë e skuadrës në Katar bëri që drejtuesit të vendosnin për të vazhduar me Deshamp.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
