.png)
Gazeta Si – Rafael Nadal duhet të qëndrojë 4-6 javë jashtë fushave të tenisit. Sipas shtypit spanjoll, dhimbja që e detyroi Nadalin të kërkonte ndihmën e fizioterapistëve në gjysmëfinalen ndaj Alkaraz në “Indian Wells”, ka të bëjë me një dëmtim serioz.
Testet e kryera pas kthimit në Spanjë kanë treguar se Nadal ka një frakturë në brinjë, në krahun e majtë. Spanjolli duket se e ka rënduar më shumë gjendjen, pasi luajti dhe humbi në finale kundër Tajlor Fritz.
Hola todos, quería anunciaros que he vuelto a España y fui enseguida a visitar a mi equipo médico para hacerme las pruebas tras la final de Indian Wells que jugué con molestias.
— Rafa Nadal (@RafaelNadal) March 22, 2022
“Ky nuk është një lajm i mirë dhe nuk e prisja, – ka shkruar Nadal, duke dhënë lajmin në rrjetet sociale. – Jam i trishtuar, pasi me fillimin e sezonit jam argëtuar shumë. Arrita në këtë fazë të sezonit në gjendje shumë të mirë dhe rezultate shumë të mira. Do tregohem i duruar dhe do punoj fort sapo ta kaloj dëmtimin. Edhe një herë, ju falënderoj të gjithëve për mbështetjen”.
Një ndalesë me kosto kjo për Nadal, i cili ka pasur një ecuri të jashtëzakonshme në 2022-shin, me 20 fitore radhazi dhe sukseset në “Australian Open”, si dhe në Atp e Melburnit dhe Akapulkos. Nadal ka humbur tashmë turnetë e Montekarlos (9-17 prill) dhe të Barcelonës (18-24 prill), dy turne në fusha me dhe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
