.png)
Gazeta Si – Shtatë persona, mes tyre 2 gra, njëra në Elbasan dhe tjetra në Tiranë, janë arrestuar me urdhër të prokurorive respektive, pasi u kapën duke fotografuar votën gjatë procesit të votimit të zgjedhjeve parlamentare.
Policia e Elbasanit, njofton se M.C., 56 vjeçe akuzohet për veprën penale “shkelja e fshetësisë së votimit”. Po ashtu janë sekuestruar si provë materiale telefoni i saj, si dhe janë marrë deklarime personave që kanë dijeni.
Për të njëjtën vepër penale akuzohet edhe gruaja tjetër votuese në Tiranë. “Kryetari i Komisionit Zonal të Qendrës së Votimit në qendër votimi në Tiranë pasi konstatoi shtetasen A.H. duke fotografuar fletën e votimit denoncoi rastin. Pas marrjes së njoftimit, menjëherë në vendngjarje është dërguar grupi hetimor dhe u identifikua shtetasja si dhe administruan aktet përkatëse. Në përfundim të veprimeve paraprake të kryera, u arrestua shtetasja A.H., e dyshuar si autore e veprës penale të “Shkelja e fshehtësisë së votimit”, – njofton Prokuroria.
Po ashtu, Policia e Tiranës, njoftoi se ka arrestuar dhe 3 persona të tjerë për fotografimin e fletës së votimit.
“Në vijim të veprimeve procedurale në lidhje me këto raste, është bërë arrestimi në flagrancë i këtyre 2 shtetasve, konkretisht H. D., 57 vjeç dhe R. L., 28 vjeç, R.F., 34 vjeç për veprën penale ‘Shkelja e fshehtësisë së votimit'”, – thuhet në njoftimin e policisë.
Në orët e pasdites të kësaj të diele, policia në Këlcyrë njoftoi se një 30-vjeçar me iniciale M.P., u arrestua në flagrancë, duke fotografuar votën.
Një 43-vjeçar nga fshati Spathar i Librazhtit është arrestuar nga policia pasi ka fotografuar votën.
Atij iu sekuestrua aparati celular i përdorur në këtë rast, ndërsa materialet i kaluan Prokurorisë për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
