Gazeta Si – Foshnja e gjetur në valixhe i pajetë para rreth një muaji në Korçë, dyshohet se ka lindur i gjallë.
Sipas burimeve nga Instituti i Mjekësisë Ligjore, foshnja ka qenë me shenja jete kur është futur në valixhe nga nëna 40-vjeçare me sëmundje të theksuara të shëndetit mendor.
Mostrat e foshnjës u dërguan menjëherë pas zbulimit të ngjarjes drejt Tiranës, nga ku dhe u konfirmua se ka lindur i gjallë.
Sipas ekspertëve, kjo argumentohet me hemorragjinë që 40-vjeçarja ka pasur gjatë lindjes, çka i ka vënë edhe jetën në rrezik.
Vizita në spital është e regjistruar dhe tregon se trupi është mbajtur për më shumë se një muaj në dollapin e saj deri në zbulimin e historisë.
Në shtëpinë e lindjes në Korçë, pranohet se gruaja që jetonte bashkë me një fëmijë 15 vjeç me probleme të autizmit nuk ka bërë asnjë vizitë aty prej muajit janar.
Vetë 40-vjeçarja nuk ka qenë deri më tani në gjendje për të dhënë sqarime rreth shtatzënisë së saj dhe asaj çka ka ndodhur brenda banesës.
Pritet që akti i ekspertimit të mbërrijë në Prokurorinë e Korçës për të bërë më pas edhe ndarjen e veprës penale që rëndon mbi nënën.
Ngjarja që tronditi mbarë opinionin publik u zbulua më 2 maj 2022 dhe nëna, Valmira Hasimllari, vuan nga një ç’rregullim psikotik.
Denoncimi i ngjarjes është bërë nga bashkëshorti i saj, i cili punonte në Greqi si emigrant.
Ai ka mohuar që të jetë babai i foshnjës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
