.png)
Një foshnjë është bërë personi i parë në botë që ka marrë një transplant të kombinuar të zemrës dhe timusit (organi kryesor i sistemit limfatik, i vendosur në pjesën e sipërme të gjoksit, funksioni kryesor i tëcilit është të promovojë zhvillimin e qelizave të sistemit imunitar të quajtur limfocitet T) – duke ofruar kështu shpresë për miliona pacientë të tjerë.
Vogëlushi Easton Sinnamon lindi me zemër dhe sistem imunitar të dobët dhe i kaloi shtatë muajt e parë të jetës së tij në spital. Ai kishte nevojë për operacione të shumta në zemër, si dhe trajtim për infeksione të përsëritura, trupi i tij nuk ishte në gjendje të luftonte vetë.
Mjekët e tij, nga Universiteti Duke në SHBA, kërkuan miratim për një lloj eksperimental transplanti që nuk ishte bërë më parë në kombinim te njerëzit.
Përveç një zemre të re, ata besuan se kishte nevojë për një transplant për timusin e tij – një gjëndër në gjoks që prodhon qelizat e bardha të gjakut të quajtura qeliza T.
Kur sistemi ynë imunitar zbulon një trup të huaj, ai mund t’i dërgojë këto qeliza të bardha të gjakut për të luftuar atë që besohet të jetë një infeksion.
Ekspertët menduan se duke transplantuar një zemër dhe ind timus nga i njëjti dhurues, timusi do të mashtrohej për të mos menduar se zemra e re është një trup i huaj. Ata morën miratimin dhe, në vetëm gjashtë muajsh, Easton mori transplantin e zemrës së tij të ndjekur nga implantimi i indit timus dy javë më vonë. Tani, në moshën një vjeçare, thuhet se ai është mirë pas procedurës, e cila ka potencialin të ndryshojë të ardhmen e transplanteve të organeve.
Shumica e njerëzve që marrin një transplant duhet të marrin ilaçe për forcimin e imunitetit gjatë gjithë jetës për të parandaluar që sistemi i tyre imunitar të refuzojë organin e ri. Por marrja e këtyre barnave për një periudhë të gjatë mund të dobësojë sistemin e tyre imunitar dhe t’i bëjë ata jashtëzakonisht të prekshëm edhe ndaj infeksioneve të lehta.
Easton vazhdon të monitorohet dhe shpresohet se në të ardhmen ai do të jetë plotësisht i shëndetshëm.
Dhe mjekët mendojnë se mijëra pacientë mund të përfitojnë potencialisht nëse zbulohet se është i suksesshëm.
Joseph Turek, shefi i kardiokirurgjisë pediatrike në Universitetin Duke dhe një anëtar i ekipit kirurgjikal që kreu procedurën historike, tha se kjo ka potencialin të ndryshojë mënyrën se si kryhen transplantet e organeve.
“Nëse kjo qasje rezulton e suksesshme – dhe vlerësohet si e tillë më tej – do të nënkuptojë se përfituesit e transplantit nuk do të refuzojnë organin e dhuruar dhe gjithashtu nuk do të kenë nevojë t’i nënshtrohen trajtimit me medikamente afatgjatë të terapive për forcimin e imunitetit, të cilat mund të jenë shumë toksike, veçanërisht për veshkat ”,shtoi Turek.
Burimi: Daily Mail/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje