Janë 27 kthesa të një cirkuiti të gjatë 6.175 kilometra, ku mesatarja e shpejtësisë është 250 km në orë. Kjo është pista e Gedas në Arabinë Saudite, pista rrugore e Formula 1 më e shpejtë në botë. “Çmimi i Madh” i Gedas do të zhvillohet mes datave 3 dhe 5 dhjetor të këtij viti.
Pista e realizuar nga “Studio Tilke” ndodhet pranë Detit të Kuq, 12 kilometra në veri të qendrës së Gedas. Vetëm cirkuiti i Spa në Belgjikë është më i gjatë, 7.004 kilometra.
Welcome to the fastest street circuit in #F1.
— Formula 1 (@F1) March 18, 2021
📈 Average speeds of 250km/h+
↪️ 27 corners
🌊 Stunning Red Sea backdrop
This is Jeddah. This is the #SaudiArabianGP. pic.twitter.com/6jD37ZkEkp
Ros Braun, drejtori administrativ i Formula 1, ka thënë: “Të prezantosh një cirkuit të ri është gjithmonë emocionuese dhe Geda nuk bën përjashtim. Kemi punuar shumë me “Studio Tilke” dhe me organizatorët për të qenë të sigurt se do të realizojmë një pistë, ku garohet rrotë më rrotë, të mbushur me sfida për piloted”.
“Dizajni është modern, – vazhdon më tej Braun, – ka edhe zona të hapura që garantojnë për shpejtësi të lartë dhe të japin mundësinë për parakalim. Vendndodhja pranë Detit të Kuq është e mrekullueshme, prandaj dhe mezi presim për të parë makinat njëvendëshe në pistë në dhjetor”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
