Gjatë mbledhjes së fundit në Londër të ‘F1 Commission’ janë bërë disa propozime, që tashmë duhet të miratohen nga Federata Ndërkombëtare e Automobilizmit (FIA).
Një nga propozimet është edhe shtimi i mundshëm i numrit të garave Sprint të së shtunës. Në mbledhjen e dytë për këtë vit, Formula 1 dhe skuadrat e Botërorit janë shprehur pro dyfishimit të garave Sprint në vitin 2023, duke kaluar nga 3 që janë këtë vit, në 6.
Në komunikatën që përmbledh argumentet e diskutuara dhe propozimet e marra, FIA ka dhënë parimisht ‘ok’-in në favor të shtimit të garave Sprint, por për një vendim zyrtar duhet edhe një vlerësim më i thellë i çështjes, që ka të bëjë më shumë me impaktin e personelit të impenjuar në gara dhe atij të skuadrave në veçanti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
