.png)
Oscar Piastri la pas zhgënjimin e një java më parë në Australi kur konvertoi “pole position” në fitoren e “Chinese Grand Prix” përpara Lando Norris në dy vendet e para për McLaren. Piastri kontrolloi 56 xhirot e të dielës në “Shanghai International Circuit” duke mos gabuar asgjë në një garë të qetë në eventin e dytë të sezonit. Norris u afrua deri në 3 sekonda pas Piastri-t në xhirot e fundit pas një problemi me frenat dhe këshillës për të mos rrezikuar nga McLaren duke siguruar finishin perfekt për skuadrën papaya.
Pas një starti jo të mirë, Russell dha gjithcka për t’ja vështirësuar jetën Norris por piloti i McLaren kishte shpejtësinë e nevojshme për ta mbyllur në vendin e 2. Max Verstappen kishte parashikuar një garë të vështirë për Red Bull pas problemeve në Sprint dhe e mbylli aty ku u nis, në vendin e 4 përpara rivalëve të Ferrari-t, Charles Leclerc dhe Lewis Hamilton që patën një kontakt në xhiron e parë.
Mirëpo në përfundim të garës dhe kontrolleve të zakonshme, komisarët vendosën të skualifikonin Pierre Gasly (Alpine) dhe dy makinat Ferrari. Francezi dhe monegask-u për makina më të lehta në peshim ndërsa britaniku për goma më të holla se 9 mm në fund të garës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
