McLaren blindon pilotin Lando Norris. Britaniku i datëlindjes 1999 ka nënshkruar rinovimin e kontratës, që e lidh me skuderinë nga Woking deri në vitin 2025. Pas dy vitesh si “test driver” dhe pilot rezervë, Norris debutoi me McLaren në vitin 2019 dhe e mbylli kampionatin në vend të 11-të.
Në sezonin 2020 ai arriti podin e parë në karrierë, në garën hapëse të Austrisë. Më pas Norris është ngjitur edhe 4 herë të tjera në pod në 2021-shin, para se të arrinte “pole position” në Soçi shtatorin e kaluar.
“Skuadrat përbëhen nga njerëzit, unë i dua këta njerëz dhe ndihem si në shtëpi te McLaren, – ka thënë piloti britanik. – Jam rritur me këtë skuadër dhe jam pjesë e një rrugëtimi, ku gjendemi të gjithë.
Sezoni i kaluar ishte një hap i madh, si për karrierën time, ashtu edhe për paraqitjen e skuadrës. E ndjej që e gjithë puna dhe impenjimi i skuadrës na bëjnë që të luftojmë për tituj në të ardhmen. E gjitha kjo më jep besim të madh, ndaj dhe ishte një vendim natyral rinovimi i kontratës për vitet e ardhshme”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
