Gazeta Si – Organizatorët e Formulës 1 po mendojnë që të zavendësojnë garën e Soçit me atë të Losail, në Katar. Kjo garë mund të zhvillohet në muajin nëntor, para se të fillojë Botërori i futbollit.
Vendimi zyrtar nuk është marrë ende, por duket se pista e Katarit ka fituar më shumë kouota orët e fundit për të zëvendësuar në kalendar garën e anuluar të Soçit në Rusi, pas shpërthimit të luftës në Ukrainë. Në Katar u garua për herë të parë vitin e kaluar, më 21 nënntor, kur fitoi Hemilton, para Vershtapen dhe Alonso. Në këtë mënyrë, do të shfrytëzohej pista inaugurale e Botërorit të motorëve.
Cirkuiti në Katar i ka bërë për vete pilotët. “Vërtet argëtues”, – ka thënë Maks Vershtapen, por edhe Ljuis Hemilton ka folur me vlerësim për pistën.
Për të zëvendësuar garën e Soçit është kandidat edhe Jerezi, ndaj dhe mbetet të shihet zgjedhja përfundimtare e organizatorëve të Formulës 1. Nëse zyrtarizohet pista e Katarit, atëherë duhet bërë një rishikim i fazës finale të kalendarit, ndoshta duke afruar me një javë garën e Brazilit, për të liruar datën 13 nëntor, që është vetëm 7 ditë nga finalja në Abu Dhabi. Botërori i Formulës 1 duhet të mbyllet para se të nisë Botërori i futbollit në Katar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
