.png)
Euro ka nisur javën sërish me rritje, duke u bërë monedha e preferuar e investitorëve.
Tregjet parashikojnë që 1 euro të kapë 1.2 dollarë brenda javës. Momentalisht po tregtohet në 1.14 dollarë.
Monedha europiane po përfiton nga dobësia e dollarit që u dëmtua rëndë nga tarifat e Donald Trump. Ministri gjerman i Financave tha se është koha që euro të marrë më shumë hapësirë në tregtinë globale.
Pozicionimi i euros në tregun e opsioneve është përshpejtuar ndjeshëm. Të ashtuquajturat kthime të rrezikut – një barometër i ndjenjës së tregut që mat kërkesën për kontrata për të blerë ose shitur monedhën – u rritën javën e kaluar, me kontratat njëjavore që treguan animin më të lartë drejt një rritjeje të euros në pesë vjet. Paqëndrueshmëria gjithashtu u rrit, duke u mbyllur në nivelin e tretë më të lartë që nga viti 2010.
Ka edhe forca kryesore strukturore që po mbështesin fitimet e euros.
Shpenzimet shtesë të parashikuara nga Gjermania pas lëvizjes së saj historike për të liruar rregullat e saj fiskale, shihen duke mbështetur eurozonën në rast të një rënieje globale.
Ndërkohë, tarifat – në çfarëdo niveli të vendosen përfundimisht – do të ulin suficitin tregtar të Europës me SHBA-në, që do të thotë se më pak të ardhura do të investohen në asete në dollarë.
“Euro duket se do të kalojë në nivele që pakkush do t’i kishte parashikuar në fillim të vitit. Pyetja e madhe për tregtarët evropianë, megjithatë, është se sa forca e monedhës është e mirëpritur për bankat qendrore të rajonit duke qenë se ata vështirë se duan që kushtet ekonomike të shtrëngohen kur ata tashmë janë të shqetësuar për perspektivat e rritjes ekonomike”, thotë Ven Ram, analist i tregjeve./Bloomberg
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
