Fondet e investimeve ranë me 1.2% gjatë tre muajve të parë të vitit 2022, me pothuajse 900 mln lekë rënie.
Referuar të dhënave të publikuara nga Autoriteti i Mbikëqyrjes Financiare, vlera e aseteve arriti në total në 76.79 miliardë lekë.
Tregu i fondit të investimeve orientohet kryesisht nga titujt qeveritarë që kanë 65% të totalit. Ky treg pati rritje me 0.8% gjatë treëmujorit të parë 2022, nga ai i fundit 2021.
Numri i anëtarëve që kanë investuar në Fondet e Investimit më 31 mars 2022 është 40.807 me një rritje prej 1.88% krahasuar me 31 dhjetorin e 2021.
Në total, në tregun e fondeve të investimeve ushtruan aktivitetin e tyre 11 fonde investimi. Pjesën më të madhe të këtij tregu, si në aspektin e aseteve, ashtu edhe të numrit të anëtarëve e zë grupi Raifeissen, i ndjekur nga Credins.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
