Pavarësisht se ka deklaruar dorëheqjen nga kandidimi, ish-kryekomunari i Shëngjinit, Salvador Kaçaj do të jetë kandidat i Bindja Demokratike për bashkinë e Lezhës për zgjedhjet e 30 qershorit. Komisioni Qendror i Zgjedhjeve ka miratuar në mbledhjen e sotme renditjen e fletës së votimit për zgjedhje lokale për një numër të konsiderueshëm për njësive të qeverisjes vendore. KZAZ e Lezhës e ka miratuar kandiduar Kaçajn, e ndërsa dorëheqja duket si e pakthyeshme nga ana e KQZ-së, pavarësisht se ai disa ditë më vonë u tërhoq.
Kaçaj me anë të një letre e cilësonte garën pa opozitën si false dhe në shërbim të Edi Ramës, duke njoftuar kështu heqjen dorë nga BD për t’iu ribashkuar PD-së.
“Unë nuk mund të shërbej si fasadë e përpjekjes për të rikthyer në Shqipëri një regjim njëpartiak, të përzier me krimin. Është bindja ime më e thellë se zgjedhjet farsë, pa opozitën e vërtetë më 30 qershor do të ishin shkatërrimtare për qytetarët e Lezhës dhe të të gjithë Shqipërisë. Jo gjithmonë kam përkrahur vendimet politike të Partisë Demokratike, por gjykoj se beteja e opozitës për zgjedhje të lira e të ndershme është e drejtë dhe duhet përkrahur pa asnjë rezervë. Kjo e bën sot Partinë Demokratike të vetmen alternativë që përfaqëson realisht vlerat europiane”, shkruante Kaçaj.
Por në këto zgjedhje të çuditshme pjesa më e madhe bashkive ka vetëm një kandidat dhe ato janë që të gjithë të Partisë Socialiste. Në më shumë se 30 bashki do të ketë vetëm një kandidat. Bashki si Shkodra, Elbasani, Gjirokastra, Lushnja, Fieri, Pogradeci do të ketë vetëm një kandidat.
Ndërsa bashkitë me dy kandidatë deri më tani janë Tirana ku Erion Veliaj do të përballet me Arben Skënderin e Bindja Demokratike dhe në fletën e votimit kandidati socialist do të jetë i dyti. Ndërsa në Durrës kandidojnë dy gra me emër të njëjta Valbona Sakollari e Bindja Demokratike, e para në fletën e votimit, si dhe Valbona Sako e PS-së, e renditur e dyta.
Në Korçë kandidati i PS-së, Sotiraq Filo do të ketë përballë Leonard Ollin e Bindja Demokratike. Ndërsa Vlorë, Dritan Leli i PS-së do të ketë përballë Valbona Mezinin e Bindja Demokratike.
Lezha është deri më tani e vetmja bashki që ka tre kandidatë për bashkinë, Pjerin Ndreun e PS-së, Eduart Ndocajn, ish-deputet i PS-së, që kandidon për Partinë Konservatore dhe Salvador Kaçajn për Bindja Demokratike. Partia Socialiste në këto zgjedhje ka krijuar një koalicion politik të cilësuar “Aleanca për Shqipërinë Europiane”. Duke përjashtuar dy njësi të zonave minoritare, që iu janë lënë aleatëve të gjithë kandidatët janë të PS-së. Ndërsa koalicioni tjetër është “Shpresa për Ndryshim”.
KQZ në mbledhjen e sotme miratoi dhe Bordin e Monitorimit të Medias në përbërje të të cilit janë Dardan Malaj, Artan Cena, Bledar Lumani, Ylli Pata dhe Maklen Misha. Gjithashtu një tjetër vendim ishte miratimi i 106 vëzhguesve afatgjatë të paraqitur nga ana e Komitetit Shqiptari i Helsinkit.
Kandidatët për bashkitë. Ku ka një kandidat janë të PS-së
Delvinë
Majlinda Qerimi
Kuçovë
Kreshnik Halimi
Poliçan
Adriatik Zotkaj
Skrapar
Adriatik Mema
Ura-Vajgurore
Xhuljana Mema
Mat
Agron Malaj
Kruje
Artur Bushi
Librazhd
Kastriot Gurra
Peqin
Lorenc Tosku
Divjakë
Fredi Kokoneshi
Patos
Rajmonda Balilaj
Roskovec
Majlinda Bufi
Dropull
Dhimitraq Toli
Libohova
Luiza Mandi
Memaliaj
Gjolekë Guci
Përmet
Alma Hoxha
Has
Liman Morina
Fushe Arrëz
Fran Tuçi
Pukë
Gjok Gjonaj
Vau Dejës
Mark Babani
Rrogozhinë
Haxhi Memolla
Konsipol
Shuajip Beqiri
Gjirokastër
Flamur Golemi
Vorë
Agim Kajmaku
Pogradec
Ilir Xhakolli
Lezhë
Salvador Kaçaj- Bindja Demokratike
Eduart Ndocaj- Partia Konservatore
Pjerin Ndreu – PS
Bashkia Tiranë
Arben Skenderaj- Bindja Demokratike
Erion Veliaj- PS
Bashkia Durrës
Valbona Sakollari-Bindja Demokratike
Valbona Sako- PS
Bashkia Vlorë
Dritan Leli – PS
Valbona Mezini – Bindja Demokratike
Bashkia Korçë
Leonard Olli
Sotiraq Filo
Bashkia Fier
Armando Subashi
Bashkia Shkodër
Valdrin Pjetri
Bashkia Lushnje
Fatos Tushe
Bashkia Elbasan
Gledian Llatja
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
