Gazeta Si – Nga Buckingham Palace, Mbreti Charles III iu drejtua kombit për fjalimin e tij të parë pas vdekjes së Mbretëreshës Elizabeth.
“Unë ju drejtohem sot me një ndjenjë trishtimi dhe dhimbjeje të thellë”, tha ai. “Unë rinovoj premtimin e nënës sime për t’ju shërbyer gjithë jetën”, shtoi Mbreti Charles, duke përdorur të njëjtën formulë që përdori nëna e tij 70 vjet më parë kur mori fronin.
Mbreti Charles iu drejtua kombit sonte në fjalimin e tij të parë sovran për të vënë në dukje dhimbjen për vdekjen e Mbretëreshës Elizabeth si një burim “frymëzimi” për miliona njerëz, për veten dhe familjen mbretërore.
Ai foli për mbretëreshën që ndërroi jetë të enjten si “nënën e tij të dashur” dhe theksoi “frymën e saj të shërbimit” dhe “përkushtimin” ndaj detyrës së saj, por edhe ngrohtësinë e saj “njerëzore”. Jo pa shprehur “mirënjohje”.
“Gjatë shtatëdhjetë viteve të fundit ne kemi parë shoqërinë tonë të transformohet në një shoqëri me shumë kultura dhe shumë besime, dhe institucionet e shtetit kanë ndryshuar gjithashtu. Por, në të gjitha ndryshimet dhe sfidat, kombi ynë dhe familja më e madhe e mbretërive – talentet, traditat dhe arritjet e të cilëve jam jashtëzakonisht krenar – kanë lulëzuar. Vlerat tona kanë mbetur dhe duhet të mbeten konstante”, deklaroi Mbreti Charles III në fjalimin e tij të parë si monark britanik.
Premtimi si Elizabeth 70 vjet më parë – “Në përkushtimin e Mbretëreshës, sot premtoj t’i shërbej Kushtetutës së kombit tonë sa të jem gjallë në Britaninë e Madhe dhe kudo që jetoni. Do të jem në shërbimin tuaj me besnikëri, respekt dhe dashuri.”
Kjo është formula e përdorur nga mbreti Charles III kur parafrazon atë që vetë Mbretëresha Elizabeth tha në fjalimin e saj të kurorëzimit.
Mbretëresha Elizabeth “bëri sakrifica dhe përkushtimi i saj si sovrane nuk u largua kurrë në momente gëzimi dhe trishtimi”. “Institucionet e shtetit kanë ndryshuar, por pavarësisht ndryshimeve dhe sfidave kombi ynë ka vazhduar të lulëzojë dhe lulëzojë. Vlerat tona duhet të mbeten të qëndrueshme dhe konstante”, tha Mbreti Charles III.
Camilla – “Është një” moment ndryshimi i madh për familjen time, unë mbështetem në dashurinë e gruas time të dashur Camilla. Që kur u martuam, ajo është bërë bashkëshortja ime mbretëreshë, e di që do të përmbushë rolin e saj”.
Djemtë – Mbreti Charles i njoftoi kombit emërimin e William, djalit të tij të madh dhe trashëgimtarit të ri të fronit, si “Princi i Uellsit” dhe Kate si Princesha e Uellsit: “William do të marrë titullin Princ dhe ai do të jetë pasardhësi im si Duka i Cornwall-it dhe do të marrë përgjegjësitë që kam marrë për 50 vjet”.
“Kam dashuri për Harry-n dhe Meganin, shpresoj që ata të vazhdojnë ta ndërtojnë jetën e tyre jashtë shtetit”, – tha Mbreti për djalin e tij të vogël “rebel” dhe bashkëshorten e tij Megan Markle
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
