Gazeta Si – “Jam shumë i lidhur me këtë klub, por kontratës sime po i vjen fundi dhe duhet të bëjmë një vlerësim bashkë me presidentin”, – ka thënë së fundi drejtori sportiv i Lacios, Igli Tare.
Duken fjalë lamtumire nga Lacio, ku ish-kapiteni i Kombëtares shqiptare për vite me radhë ka pasur sukses të madh në punën e tij. “Është e drejtë që në fund të bëhet një bilanc dhe të merret vendimi i duhur për mua dhe për klubin. Do të flas me presidentin, por nuk ka shumë gjëra për të qartësuar. Ajo që ka rëndësi është e mira e klubit”, – ka shtuar më tej Tare.
Drejtuesin e suksesshëm shqiptar, sipas të gjitha gjasave, do ta shohim në një klub tjetër sezonin e ardhshëm. Aventurës së tij te Lacio, duke parë edhe deklaratën e fundit, i ka ardhur fundi. Kujtojmë që Tare është një nga drejtorët sportivë që është kërkuar nga klube të mëdha në Itali.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
