.png)
Gazeta Si – Përmbysje spektakolare e Kombëtares U-21 në ‘Elbasan Arena’, nga 0-2 në 3-2 ndaj Rumanisë. Një fitore shumë e bukur kjo e Shpresave në një ndeshje të mbushur me emocione. Në fund kuqezinjtë e vegjël treguan vlerat, duke i nisur në mënyrën më të mirë kualifikueset e Euro 2025, me 6 pikë.
Skuadra e trajnerit Alban Bushi u ndëshkua me dy gola në fillimin e pjesës së dytë, me autorë Grameni dhe Munteanu. Megjithatë, kuqezinjtë gjetën forca dhe reaguan mjaft mirë. Kristian Shpendi, i futur në fushë si zëvendësues, shkurtoi diferencën në 1-2, i ndihmuar edhe nga një devijim. Më pas Medon Berisha barazoi shifrat me një ‘silurë’ nga jashtë zonës.
Për golin e 3-të dhe të fitores do të mendonte Adrion Pajaziti. Lojtari i Fulhemit realizoi 2 minuta para përfundimit të kohës së rregullt me një gjuajtje të saktë në zonë, pas pasimit të Shpendit. Një gol që kaloi në delir stolin kuqezi dhe tifozët e pranishëm në stadium.
Shqipëria U-21 kryeson Grupin E me 6 pikë të plota pas dy ndeshjeve të para. Pas fitores 1-2 në Armeni pak ditë më parë, vjen edhe ky sukses tjetër në ‘Elbasan Arena’. Kuqezinjtë janë në grup me Zvicrën, Rumaninë, Finlandën, Malin e Zi dhe Armeninë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
