Gazeta Si – Momente paniku në stadiumin e Rrogozhinës. Deri në atë pikë sa lojtarët e Tiranës kanë shpërthyer në lot pas dëmtimit të shokut të tyre Klevi Qefalia. Ai është dërguar në spital me urgjencë dhe për fat të mirë e ka kaluar te keqen.
Ishte minuta e 33-të e ndeshjes Egnatia-Tirana, kur Qefalia dhe Hamzat u përplasën kokë më kokë. Mesfushori i ri u rrëzua në fushë i gjakosur. Lojtarët, të trembur kërkuan autoambulancën menjëherë në fushë dhe Qefalia u nis direkt për në spital.
Kaluan gati 10 minuta dhe zyrtarët e ndeshjes kërkuan vazhdimin e lojës, por lojtarët e Tiranës pranuan vetëm në momentin që morën lajmin nga spitali se futbollisti 18-vjeçar ishte përmendur dhe ishte mirë.
Tirana e fitoi ndeshjen me rezultatin 0-2, me gola të Kallakut dhe Hasanit. Për skuadrën e Shehit ishte fitorja e parë, kurse Egnatias pësoi humbjen e dytë radhazi, pas asaj me Partizanin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
