.png)
Nga Gazeta Si – Bis dardan në “Ullevi Stadium” në Goteborg që i ngjit në kuotën e 7 pikëve pas 4 ndeshjeve duke i afruar më pranë me fazën Playoff në rrugën drejt Botërorit.
Mjaftoi një gol i Fisnik Asllanit (i pari me përfaqësuesen) në 32’ që Kosova të merrte 3 pikët e rradhës duke shtuar presionin mbi vendasit.
Ishte një aksion që e la topin vakant pas tentativës së Muriqit që gjeti në vendin e duhur sulmuesin e Hoffenheim në Bundesliga.
Në fundin e pjesës së parë, Avdullahu goditi shtyllën e majtë duke humbur mundësinë më të mirë për golin e dytë “Made in Hoffenheim”.
Në pjesën e dytë, Suedia e rriti presionin por dardanët iu rezistuan tentativave të vendasve për barazimin.
Herë nxitimi i tyre dhe shpesh ndërhyrjet e Muric bënë që rezultati të mos ndryshonte, madje as në minutën 4 shtesë kur Isak tentoi dëshpërimisht nga ajri, Muric nuk e lejoi barazimin.
Shtypi, specialistët dhe ish lojtarët e Suedisë kryqëzuan sërish Jon Dahl Tomasson duke e quajtur skuadrën e ndërtuar prej tij si më të dobtën në historinë e futbollit suedez.
Klasifikimi në Gr. B
1. Zvicra 10 pikë
2. Kosova 7
3. Sllovenia 3
4. Suedia 1
Ndeshjet e ardhshme
15 Nëntor 2025, ora 20:45
Zvicër-Suedi
Slloveni-Kosovë
18 Nëntor 2025, ora 20:45
Suedi-Slloveni
Kosovë-Zvicër
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
