Gazeta Si – Te Milani ka nisur tashmë era ‘RedBird’. Akordi zyrtar për kalimin e pronësisë është firmosur. Një akord, që kap shifrën e 1.2 miliardë eurove. Ka ardhur edhe njoftimi zyrtar, që kompleton këtë operacion.
Fondi amerikan ka marrë maxhorancën e klubit italian. Kalimi përfundimtar i pronësisë është parashikuar të mbyllet brenda muajit shtator. Elliott do të qëndrojë në klub si ortak në minorancë.
RedBird Capital Partners enters into agreement with Elliott Advisors to acquire AC Milan ➡️ https://t.co/W1YQr6GIxG
— AC Milan (@acmilan) June 1, 2022
RedBird Capital Partners sottoscrive un accordo con Elliott Advisors per l’acquisizione di AC Milan ➡️ https://t.co/MB0JQRMKWy
#SempreMilan pic.twitter.com/Ri055vyggh
“Të nderuar që bëjmë pjesë në historinë e Milanit. Entuzistë për faktin se mund të shkruajmë kapitullin e ri të tij”, – ka deklaruar Gerri Kardinale, numri 1 i fondit amerikan, pasi u firmos akordi.
‘RedBird Capital Partners dhe Elliott Advisors UK Limited kanë nënshkruar marrëveshjen përfundimtare për blerjen e Milanit. Kalimi te pronarët e tij do të bëhet gjatë verës dhe do të mbyllet brenda shtatorit.
Akordi, që e vlerëson klubin 1.2 miliardë euro, parashikon që Elliott të mbajë kuota në minorancë. Prioriteti i RedBird është të vazhdojë punën për të ngjitur Milanin në majat më të larta të futbollit botëror.
Kombinimi i sukseseve në fushë, strategjinë e blerjes dhe zhvillmit të lojtarëve të rinj, të bashkuara me përvojën e RedBird, garantojnë një të ardhme të ndritur të Milanit’, – shkruhet në njoftimin zyrtar të klubit kuqezi, pasi u arrit akordi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
